Skip to Secondary Navigation Skip to Main Content

Current Domain

Languages

في هذا القسم

أستاذ عاطل

مش لازم ادور علي شغل

من حقك تلاقي شغل يرضيك علي قد ما بتفهم في علمك . بس انت اتعب شوية لحد ما تلاقيه ومتستسهلش وتقعد علي قهوة بدل ما تدور عليه . والمجتمع كمان عليه واجب انه يحميك من البطالة (المادة 23من الاعلان العالمى لحقوق الانسان ) .

البطالة اول ما ظهرت كان مع ازدهار الصناعه . والبطالة مش بس معناها انك متلاقيش شغل لانك ممكن تكون بتشتغل بس يطلق عليك انك بتعانى من البطالة زى انك تكون في شغل مش مكفي احتياجاتك وبالتالي انت مازلت بتدور علي شغل تانى .

وطبعا نتيجة للبطالة اصبح الشباب مش عارفين يكونوا نفسهم وده ادى لمشكلتين ، الاولي ان سن البنات بيكبر من غير زواج وده اللي بنسميه العنوسة ، والثانية ان في ناس بتتجه لحاجات وحشة وتصرفات غلط عشان تعوض احتياجاتهم زى الزواج العرفي والادمان وغيره .

وبالتالي تلاقي الشباب مش عاجبهم حال البلد ويتجهوا للسفر برة واغلبهم هجرة غير شرعية ، واللي مش بيعرف بيتجه للسرقة والنصب واللي ينتحر او ينحرف ....................

عشان كدة انت لازم تفكر شوية ، مش معقول هتستنى لحد لما تلاقي شغل ، وتلاقي السن بيكبر بيك ، وتلاقي كل حاجة حلوة بتعدى من قدامك ، ولا بقي هتدور ازاى تسافر وتغسل اطباق .......

المرة دى مش انت اللي هتدور علي شغل ، الشغل اللي هيدور عليك ، دى بعض النصائح اللي ممكن تساعدك :

1- فكر ازاى تعمل مشروع صغير مش مكلف .

2- دور السوق محتاج ايه ، ازاى تتطور من نفسك ومن قدراتك ، علم نفسك بنفسك ، ودور علي ايه ناقصك . مثلا انا محتاج اتعلم انجليزى ، مش لازم اخد كورسات انا ممكن اتعلم من التليفزيون والافلام الاجنبى ، كمان الاغانى ، الانترنت ..............

3- اقرا كتير في التنمية البشرية ،وازاى تخلي الناس هى اللي تطلب منك انك تشتغل معاهم .

4- حاول تاخد قرض صغير واتجه للصحرا ..

 

5
المعدَل 5 (1 vote)
Your rating: لا يوجد
© حق النشر 2001 - 2017 One Global Economy Corporation