Skip to Secondary Navigation Skip to Main Content

Current Domain

Languages

مشروع التوظيف بداية امل لعائشة

منال محسن

  

انا اسمى عائشة مبروك عندي 28 سنة اتخرجت سنة 2011 من كلية ادأب، (قسم وثائق ومكتبات) مركز مغاغة من (ذوى الاحتياجات الخاصة) لوجود اعاقة في قدميا تعوقني عن الحركة تماما بعد تخرجي من كلية الآداب،
 
في ظل ظروف الدولة الصعبة لان تخرجي كان عام الثورة 2011 وما قدرتش اشتغل في أي مكان وعانيت من صعوبات كثيرة في تحركاتي, ولم يؤمن بي احد كقدرات انسان عادى وكنت اعانى المعاملة السيئة من المجتمع حيث انه لا يتقبلني،
 
وفى خلال السنوات الثلاثة السابقة كنت بدور على اماكن اخد فيها كورسات او اشتغل فيها وكنت بدخل على الفيس بوك كتير وعلى مواقع التوظيف بشكل خاص علشان ادور على شغل ولقيت اعلان من مشروع (التوظيف من خلال التكنولوجيا والابتكار) في مؤسسة حواء المستقبل بيقول ادرب واتوظف بسرعة جيت للمؤسسة وقابلت المسئولة عن المشروع وقاعدت معاها وكانت المعاملة حسنة جدا،
 
شرح لي التدريبات اللي هاخدها وكانت (تنمية بشرية – ادارة اعمال – وكمبيوتر)، وكمان بعد ما اخلص التدريب على TOT (تدريب مدربين) ها ادرب مجموعة واخد عليها فلوس فكانت بالنسبة لي فرصة كبيرة بعد ما لقيت ان المشروع له رسالة هادفة لازم توصل، وعدم وجود تفرقة بيني وبين أي انسان عادى ودة خلاني التزم في حضور كورس TOT،
 
وكنت مستمتعة جدا بكل معلومة بأخدها وبعد ما خلصت الكورس كونت مجموعة عددها (13) فرد شباب وشابات, وفعلا ابتديت اديهم الكورس وانا مبسوطة جدا جدا جدا، لأنى اخدت خبرة كبيرة في الكورس في التعامل مع الناس وازاي اقف قدامهم واتكلم واكسر الخوف اللي جوايا،
 
وكمان كنت مبسوطة اكتر انى اشتغلت لأول مرة واخد فلوس, انا بشكر كل من ساعدني في مشروع التوظيف من خلال التكنولوجيا والابتكار.

 

0
No votes yet
Your rating: لا يوجد
© حق النشر 2001 - 2017 One Global Economy Corporation